Quest project vegn preschentà a tai da
Dretgs

Survista
Terminologia
ARTITGEL 1. DETERMINAZIUNS PER LAVURAR CUN IL PROGRAM
ARTITGEL 2. RESPONSABLADAD
ARTITGEL 3. DATAS PERSUNALAS
3.1. Identificaziun
3.2. Access a las datas
3.3. Diever da cookies ed Analytics
ARTITGEL 4. COMMENTARIS
4.1 Access als commentaris
4.2 Determinaziuns ed obligaziuns
4.3 Administraziun
 ARTITGEL 5. PROPRIETAD INTELLECTUALA
 ARTITGEL 6. MODIFICAZIUNS DA LA PAGINA
 ARTITGEL 7. DRETG APPLITGABEL – DRETGIRA CUMPETENTA PER DISPITAS
 ARTITGEL 8. IDENTIFICAZIUN

 

Survista

Generation What? è in program multimedial creà cun l'intenziun d'animar a maun d'in questiunari ludic ed interactiv persunas da 18-34 onns da s'exprimer davart sasezzas. Sco part d'ina campagna da sis mais duai questa pagina-web pussibilitar in'invista en la vita multifara da la giuventetgna da l'Europa dad oz. Co viva la giuventetgna, tge finamiras, siemis, spetgas e temas ha ella?

Ils emetturs e producents han collavurà stretgamain cun in team da sociologs per sviluppar il questiunari. Il studi duai furnir en spezial respostas areguard las valurs ed opiniuns dals utilisaders en connex cun differents temas sco la famiglia u l'Europa. Las datas d'identificaziun persunalas ed electronicas dals utilisaders collectadas suttastattan a l'elavuraziun da datas automatica ed èn accessiblas mo a persunas autorisadas en connex cun il studi, vul dir al team che sa fatschenta cun il project "Generation What?" da Radiotelevisiun Svizra Rumantscha ed ils producents.
Ils resultats da quest studi vegnan publitgads ed actualisads en temp real a partir da l'avrigl 2016 fin l'avrigl 2019. Ils resultats vegnan anonimisads dal tuttafatg. Ils resultats publitgads na permettan en nagin cas dad identifitgar ils utilisaders. Sociologs che han gidà ad evaluar la retschertga vegnan er ad avair access als resultats. Els vegnan a garantir ch'ils participants restan anonims.

Ils utilisaders han la pussaivladad da memorisar lur avanzament cun inditgar lur adressa dad e-mail e da respunder a dumondas en connex cun numerus temas (fin a 149 dumondas). Uschia contribueschan els a l'emprim profil da la giuventetgna en l'Europa che sa cunfa cun ils artitgels da questas determinaziuns. Els vegnan er ad avair la pussaivladad da vesair il purtret creà cun questas datas e da commentar quel.

L'utilisader declera d'avair legì las cundiziuns da diever generalas preschentas e da las avair acceptà avant che respunder al questiunari e/u publitgar commentaris online.

Cun acceptar questas determinaziuns declera il participant al studi statistic "Generation What?" d'esser d'accord cun las determinaziuns, d'esser maioren e betg sut avugà. Sche l'utilisader è minoren, sto el avair la permissiun precedenta da ses geniturs, avugà u represchentant legal per sa registrar sin questa pagina. La(s) persuna(s) cun la pussanza dals geniturs garantescha(n) d'observar las determinaziuns da questas cundiziuns da fatschenta.

Las persunas responsablas per l'educaziun èn perquai supplitgadas dad observar co che lur uffant fa diever da l'opziun da commentar e dad esser conscientas ch'igl è lur duair da survegliar il diever.

 

Terminologia

En las suandantas determinaziuns stat "emettur" per Radiotelevisiun Svizra Rumantscha RTR sco medium che metta a disposiziun la pagina-web da Generation What (la "pagina") al public ("ils utilisaders").

Ils producents èn Upian e Yami2.

Il document preschent ha l'intenziun da fixar las cundiziuns applitgablas per la pagina ed ils utilisaders che participeschan. Mintgin che vul participar a l'experiment declera d'avair legì ordavant las cundiziuns e d'esser d'accord cun ellas.

Ils producents pon da tut temp modifitgar las cundiziuns senza infurmar ordavant ils utilisaders. Nus recumandain als utilisaders da leger la versiun actualisada da las cundiziuns.


ARTITGEL 1. CUNDIZIUNS PER LAVURAR CUN IL PROGRAM

L'emprim vegnan ils utilisaders supplitgads da respunder ad insaquantas dumondas inizialas davart lur vegliadetgna, schlattaina, lieu da domicil, nivel da scolaziun e situaziun da vita actuala per pussibilitar da collectar e sortir datas e da persunalisar l'experientscha interactiva che vegn offrida sin la pagina.
Ils utilisaders vegnan supplitgads d'inditgar lur adressa dad e-mail per survegnir ina colliaziun persunala che permetta da cuntinuar cun il questiunari cura ch'els vulan.

Cun inditgar l'adressa dad e-mail e respunder a las dumondas dattan ils utilisaders als producents il dretg da far diever da las datas en il rom dal project.

Ils producents pon duvrar las adressas dad e-mail per communitgar cun ils utilisaders en connex cun il program.


ARTITGEL 2. RESPONSABLADAD

Ils utilisaders renconuschan explicitamain ch'ils emetturs e producents na surpiglian mai la responsabladad per donns che utilisaders e/u terzs han sco resultat:

d'in servetsch betg disponibel u mendus, n'emporta betg per tge motivs

da perdita da datas specificas dals utilisaders

d'in virus da computer

da forzas superiuras tenor la definiziun da la giurisprudenza da la dretgira da cassaziun en Svizra

Pervia da las caracteristicas da l'internet – en spezial il fatg che contribuziuns pon suttastar a l'influenza da terzs betg autorisads e per consequenza esser corruptas u telechargiadas, ed il fatg che mintgin po crear ina colliaziun che pussibilitescha l'access a questas contribuziuns – na surpiglian ils emetturs ed ils producents nagina responsabladad per donns, sajan quels u capitads en disfavur dad utilisaders e terzs, ni chaschunads u betg chaschunads da terzs.


ARTITGEL 3. DATAS PERSUNALAS

3.1. Identificaziun
Las datas d'identificaziun persunalas ed electronicas dals utilisaders che pon vegnir collectadas suttastattan a l'elavuraziun da datas automatica. En spezial per permetter als utilisaders da cuntinuar cun las dumondas là, nua ch'els han smess l'ultima gia.

3.2. Access a las datas
Las datas dals utilisaders vegnan conservadas dals producents e d'interprendiders secundars ch'ils producents tschernan sezs, sco quai ch'igl è menziunà en las "Indicaziuns giuridicas" da la pagina. Per garantir che las datas persunalas dals utilisaders na giajan betg a perder e na vegnian betg modifitgadas u publitgadas, vegnan ellas memorisadas sin servers da computers segirs per in temp limità da trais (3) onns. Ils utilisaders han il dretg da dumandar da stizzar lur contribuziuns en la part participativa. Per far quai pon ils utilisaders trametter ina dumonda en scrit als emetturs via la colliaziun "generation-what@rtr.ch".
Uschia pon ils utilisaders dumandar da rectifitgar, cumplettar, sclerir, actualisar u stizzar datas persunalas betg permessas da collectar, duvrar, publitgar u memorisar u datas falladas, incumplettas, dubiusas u scadidas.
Las datas dals utilisaders na vegnan betg duvradas per far reclama u per intents commerzials. L'adressa dad e-mail permetta a l'utilisader da cuntinuar là, nua ch'el ha smess l'ultima gia. L'utilisatur po era midar sias datas persunalas.

3.3. Diever da cookies ed Analytics/Comscore
La pagina utilisescha per questa retschertga Google Analytics, in servetsch da Google Inc., 1600 Amphitheatre Parkway, Mountain View, CA 94043, USA ("Google").  Per analisar paginas-web dovri cookies. Quests cookies cumpiglian: las paginas visitadas, la frequenza, il dumber da las visitas e las visitas repetidas, la durada, retschertgas, il browser utilisà, il service provider ed il lieu collià cun l'adressa IP. Sch'ils utilisaders han tschernì d'anonimisar lur adressa IP sin questa pagina, transmetta Google tuttina l'adressa IP, però en ina furma scursanida sco en ils pajais che fan part da l'Uniun Europeica u sco in auter stadi che ha suttascrit la cunvegna dal Spazi economic europeic. En cas excepziunals vegn l'entira adressa IP transmessa ad in server da Google, nua ch'ella vegn alura scursanida. Google na vegn betg a cumbinar l'adressa IP transmessa cun Google Analytics cun autras datas en possess da Google. Google utilisescha questas infurmaziuns per valitar il diever da la pagina e scriver rapports davart l'activitad da la pagina ed il diever da l'internet per ils producents: las modas da navigar ed il cumportament dals utilisaders vegnan mesirads ed analisads, profils da navigar anonims ed eventualas meglieraziuns vegnan sviluppadas tut tenor ils resultats da las analisas da las datas dals utilisaders. Dapli infurmaziuns chattais Vus en l'urden da confidenzialitad da Google (https://www.google.com/policies/privacy/). Ils utilisaders pon bloccar quests cookies ed uschia deactivar Google Analytics cun in instrument da Google (https://tools.google.com/dlpage/ gaoptout?hl=en ) durant navigar en la rait.

En il rom da quest studi dovra RTR era il sistem d’analisa comScore (www.comscore.com) . Comscore rimna datas statisticas anonimisadas. I sa tracta da datas senza relaziun tar persunas. Las datas stattan en relaziun cun il browser utilisà, cun il dumber da las paginas clamadas si e dals visits, cun il cumportament da la navigaziun e cun la durada ch’il  user resta  sin ina pagina d’internet. L'utilisader sa scummandar che sias datas vegnan analisadas sut il suandant link:  http://sitestat.com/privacy/index.php?lang=de_DE

Per dapli infurmaziuns davart las differentas modas co che nus pudain utilisar cookies e quests instruments analitics, legiai las 'Explicaziuns davart la protecziun da las datas persunalas' sin www.rtr.ch.

 

ARTITGEL 4. COMMENTARIS

4.1 Access als commentaris
Il sistem da commentar DISQUS è gratuit e po vegnir utilisà suenter esser sa registrà. Quai pon ins far via Twitter, Facebook u Google u cun crear in conto da DISQUS. Las infurmaziuns dadas (num, pseudonim u num d'utilisader) sin questas paginas vegnan mussadas per identifitgar l'utilisader.

4.2 Determinaziuns ed obligaziuns
Per far diever dal sistem da commentar en la part participativa da la pagina ston ins sa registrar ordavant cun l'adressa dad e-mail.

Cundiziuns:

  • mo il prefix da l'adressa dad e-mail, il pseudonim/adressa dad e-mail e/u il pseudonim da l'utilisader cumparan sin la pagina e permettan d'al identifitgar sco autur dal commentari postà sin la pagina;
  • ils utilisaders consentan d'inditgar infurmaziuns da contact fidablas per als pudair contactar en cas da basegn;
  • ils producents resalvan ils dretgs dad annullar u refusar temporarmain u permanentamain l'access a la pagina, en cas ch'in utilisader inditgescha infurmaziuns falladas, inexactas u engianusas – e quai immediat.

Ils utilisaders èn sezs responsabels per ils commentaris ch'els posteschan en la part participativa da la pagina. Els èn d'accord da betg:

  • violar intenziunadamain u betg intenziunadamain in dretg applitgabel sin il champ local, regiunal, naziunal u internaziunal inclusiv:
    a. tut las determinaziuns concernent la protecziun da datas, la proprietad intellectuala (inclusiv il dretg d'autur, patents, marcas), la lescha davart la pressa (inclusiv appel al rassissem ed a la violenza, revisiunissem u negaziunissem, xenofobia ed omofobia) sco er ils dretgs per las illustraziuns;
    b. legislaziun davart l'engion tras abus dal computer;
    c. leschas e morala da l'urden public, inclusiv determinaziuns davart contexts pornografics e pedofils;
    d. la legislaziun applitgabla per minorens
    -    substitut per ina persuna, organisaziun u ina terza partida;
    -    agressivitad u violenza excessiva;
    -    derasaziun intenziunada d'infurmaziuns falladas cun u senza l'intenziun da donnegiar auters;
    -    trametter cuntegns ch'els n'han betg il dretg da transmetter, inclusiv cuntegns ch'èn suttamess a la clausula da confidenzialitad;
    -    trametter u postar commentaris che pon cuntegnair virus;
    -    mulestar insatgi en ina moda u l'autra, en spezial cun repeter messadis identics u fitg sumegliants.


4.3 Administraziun
Ils commentaris postads sin la pagina vegnan administrads posteriuramain en vista a las determinaziuns. Ils administraturs da la pagina resalvan il dretg da stizzar parts u entiras contribuziuns che cuntrafan a las determinaziuns u che pon esser cunter la lescha e d'excluder temporarmain u permanentamain da la pagina tut ils utilisaders che violeschan evidentamain, repetidamain e/u sistematicamain las cundiziuns e leschas, e quai senza infurmar ils utilisaders anticipadamain. Las decisiuns dals administraturs na pon betg vegnir contestadas. Tras postar in commentari sin la pagina consentan ils utilisaders da respectar l'autorisaziun dals administraturs e questas determinaziuns.


ARTITGEL 5. PROPRIETAD INTELLECTUALA

Tut las cumponentas da questa pagina (structura generala, software, videoplayer, texts, illustraziuns animadas e betg animadas, audiodatotecas know-how, etc.) sco era segns distinctivs (logos, marcas, etc.) èn proprietad dals producents e/u lur partenaris ed èn protegids cun ils dretgs d'auturs e la lescha davart la proprietad intellectuala en tut il mund.
En pli vegn menziunà en spezial:

  • igl è scumandà da reproducir la pagina u parts da la pagina, exceptà ils cas ch'èn definids explicitamain en las cundiziuns da fatschenta;
  • ils utilisaders van d'accord da betg modifitgar, copiar, republitgar, transmetter, vender u distribuir en ina moda u l'autra questa pagina u sias cumponentas;
  • l'access a la pagina è sulettamain permess per sa participar al studi.

 

ARTITGEL 6. MODIFICAZIUNS DA LA PAGINA

Ils emetturs e producents resalvan il dretg da modifitgar u d'annullar da tut temp l'access a la pagina, saja quai temporarmain, sporadicamain u permanentamain e cun u senza infurmar ils utilisaders. Cun utilisar questa pagina renconuschan ils utilisaders ch'ils emetturs e producents na pon betg vegnir fatgs responsabels vers utilisaders u terzas partidas concernent modificaziuns, suspensiuns u l'interrupziun da la pagina e sia part participativa.

 

ARTITGEL 7. DRETG APPLITGABEL – DRETGIRA CUMPETENTA PER DISPITAS

Questas cundiziuns suttastattan al dretg svizzer. La dretgira cumpetenta è a Berna.

 

ARTITGEL 8. IDENTIFICAZIUN

Generation What è in servetsch mess a disposiziun dals emetturs e producents.

Adressas:
Radiotelevisiun Svizra Rumantscha
Via da Masans 2
CH-7’002 Cuira

Contact: contact@rtr.ch

UPIAN
Siège social: 211 rue Saint-Maur 75010 Paris
RCS Paris B 421204538
Manager: Alexandre Brachet
Tel.: +33 (0)1 53 19 70 03
Contact: contact@upian.com